معروف پاکستانی گلوکار سجاد علی نے اپنے سوشل میڈیا  بیان سے متعلق ہونے والی قیاس  آرائیوں کی تردید کردی۔

تفصیلات کے مطابق گلوکار سجاد علی نے  سوشل میڈیا پر  جاری کردہ ویڈیو پیغام   میں اپنے گزشتہ پیغام پر ہونے والی قیاس آرائیوں سے متعلق کہا کہ  ’میں نے کب کہا بالی وڈ نے میرا گانا کاپی کیا؟ بلکہ میں نے کہا تھا کہ گانا سن کر مجھے اپنا ایک پرانا گانا یاد آگیا۔

مزید پڑھیں: فلم پٹھان کا گانا میرے گانے کی کاپی ہے؛ سجاد علی

سجاد علی نے کہا کہ  لوگوں کی جانب سے تنقید کی جارہی تھی کہ انہوں نے  مہدی حسن کی غزل کاپی کی ہے۔

انہوں نے کہا کہ غزل مہدی حسن کی نہیں احمد فراز کی ہے  اور ایک غزل مختلف گلوکار اپنی اپنی دھنوں کے ساتھ گاتے ہیں ۔

Take it easy guys….. pic.twitter.com/ZdqBOoqjBX

— Sajjad Ali (@sajjad_official) January 3, 2023

واضح رہے کہ سجاد علی نے 26 دسمبر کو ایک ویڈیو پیغام میں  کہا تھا کہ انہیں ایک  نئی فلم کا میوزک سن  کر اپنا 26 سال پرانا گایا ہوا گانا یاد آگیاتھا  جو انہوں نے  ویڈیو میں گنگنایا بھی تھا۔

مزید پڑھیں: بد ترین لوڈ شیڈنگ پر گلوکار سجاد علی نے گانا بنا دیا

سجاد علی نے اپنی پوسٹ میں گانے کا ذکر تو نہیں کیا  تھا لیکن سوشل میڈیا صارفین کا کہنا  تھا کہ شاہ رخ خان کی فلم’پٹھان’ کے گانے ’بے شرم رنگ‘ کا میوزِک سجاد علی  کے 26 سال پرانے اس گانے ’اب کے ہم بچھڑے‘کے میوزِک سے بہت ملتا جلتا ہے۔

After listening to a new movie’s song, It reminded me of my song I released 26 years ago, Ab Ke Hum Bichare. Enjoy!! pic.twitter.com/X86Jw34R8k

— Sajjad Ali (@sajjad_official) December 26, 2022