بالی ووڈ فلم انڈسٹری کے ورسٹائل اداکار نواز الدین صدیقی نے کہا ہے کہ اب کوئی مجھے 25 کروڑ بھی دے تو کبھی چھوٹا کردار نہیں کروں گا۔

حال ہی میں اپنے دیے گئے ایک انٹرویو میں اداکار نواز الدین صدیقی کا کہنا تھا کہ جہاں وہ آج ہیں اس مقام تک پہنچنے کیلئے انہوں نے ایک لمبا سفر طے کیا ہے۔

انہوں نے کہا کہ میں نے قسم کھائی تھی کہ جب تک مجھے ہالی ووڈ کی فلم میں مرکزی کردار نہیں ملے گا میں فلم میں کام نہیں کروں گا۔

یہ بھی پڑھیں: اداکار نواز الدین صدیقی نے بھاری معاوضہ لینے والے فنکاروں کو آڑے ہاتھوں لے لیا

ان کا کہنا تھا کہ اپنے کیریئر میں، میں نے بہت سی فلموں میں کام کیا ہے جہاں میں نے چھوٹے چھوٹے کردار کیے ہیں اب تو آپ مجھے 25 کروڑ بھی دیں گے تو بھی میں کوئی چھوٹا کردار نہیں کروں گا۔

نواز الدین صدیقی نے کہا کہ مجھے لگتا ہے کہ پیسہ اور شہرت صرف آپ کے کام  کے نتیجے میں ملتا ہے، اگر آپ اپنا کام اچھے طریقے سے کریں گے تو پیسہ اور شہرت آپ کے پیچھے بھاگے گی۔

انہوں نے کہا کہ اگر آپ پیسہ اور شہرت کا پیچھا کریں گے تو آپ انہیں کبھی نہیں پائیں گے، اس لیے بس اچھا کام کرتے رہیں۔

یہ بھی پڑھیں: نواز الدین صدیقی کس سے حسد کرتے ہیں، اداکار نے بتادیا

ان کا مزید کہنا تھا کہ خود کو ایسا بنا لو کے پیسہ اور شہرت آپ کے غلام بن جائیں اور آپ کے پیچھے بھاگیں۔

یہ بھی پڑھیں: اداکار نواز الدین صدیقی کا سلمان خان سے متعلق اہم انکشاف