پاکستان شوبزانڈسٹری کے نامور اداکار اور مستقل تنازعوں کا شکار رہنے والے فیروز خان کو سوشل میڈیا صارفین نے آڑے ہاتھوں لیتے ہوئے ایک ’منفی انسان‘ قرار دیا ہے۔

نئے سال کے جشن کے لئے شوبز ستاروں سے بھر پور ایک تقریب میں فیروز خان نے اپنی بہن حمیمہ ملک کے ساتھ شرکت کی، جس کی تصاویر وائرل ہوتے ہی صارفین نے انہیں آڑھے ہاتھوں لے لیا۔

سوشل میڈیا پر فیروز خان کو ایک منفی انسان قرار دیتے ہوئے صارفین کا کہنا ہے وہ جس چیز سے لوگوں کو روک رہے تھے خود وہی کام کررہے ہیں اور یہ منافقت ہے۔

 فیروز خان  نے چند روز قبل مولانا طارق جمیل کا ایک بیان شیئر کیا تھا جس میں وہ کہہ رہے تھے کہ نئے سال کے موقع پر تقاریب میں لڑکے اور لڑکیاں مل کر رقص کریں گی، ایسا نہیں ہونا چاہئے۔

یہ بھی پڑھیں؛  اداکار فیروز خان کا اپنی سابقہ اہلیہ علیزے سلطان پر طنز

فیروز خان نے یہ بیان شیئر کرکے لوگوں سے اپیل کی تھی کہ وہ اسے شیئر کریں تاکہ ہر کسی تک یہ پیغام پہنچ جائے۔

مولانا طارق جمیل کا بیان شیئر کرنے کے باوجود فیروز خان نے نئے سال کی مخلوط تقریب میں مکمل جوش وخروش کے ساتھ شرکت کی۔

یہ بھی پڑھیں: اداکار فیروز خان کی سابق اہلیہ علیزا سلطان کو بڑی پیشکش

تصاویر میں دیکھا جاسکتا ہے کہ نئے سال کو منانے کیلئے منعقدہ تقریب میں لڑکیاں بھی موجود ہیں۔