بالی ووڈ کے بے تاج بادشاہ شاہ رخ خان کے بیٹے اور اداکارہ و ڈانسر نورا فاتیحی کی  تصاویر سوشل میڈیا پر وائرل ہو نے کی وجہ سامنے اگئی ہے۔

بالی ووڈ کے سپر اسٹار شاہ رخ خان کے بیٹے آریان خان اور نورا فاتیحی میں تعلقات اور ڈیٹ کرنے کی خبریں گردش کرنے لگی ہیں۔

گزشتہ دنوں  ایک خاتون مداح کی جانب سے دو تصاویر سوشل میڈیا پر اپلوڈ کی گئی، جن میں سے ایک تصویر میں وہ (خاتون مداح) نورا فاتیحی کے ساتھ کھڑی ہیں اور دوسری تصویر میں آریان خان کے ساتھ نظر آ رہی ہیں۔

یہ بھی پڑھیں: شاہ رخ خان کی بیٹی سہانا خان کی ڈبیو فلم جلد ریلیز

اس میں دلچسپ بات یہ ہے کہ یہ دونوں تصاویر ایک ہی مقام پر لی گئی ہیں۔

جیسے ہی یہ تصاویر وائرل ہوئی سوشل میڈیا پر صارفین نے اس بات پر قیاس آرائی شروع کر دی کہ کہیں نورا فاتیحی اور آریان خان ایک دوسرے کو ڈیٹ تو نہیں کر رہے؟

فی الحال یہ ایک افوہ ہے اور اس حوالے سے دونوں کی وضاحت آنے تک کچھ نہیں کہا جا سکتا۔