بھارت کی معروف اداکارہ راکھی ساونت کے شوہر عادل خان اپنے گزشتہ دیے گئے بیان سے مکر گئے ہیں۔

حال ہی میں عادل خان نے بھارتی میڈیا سے گفتگو کے دوران شادی کی تصاویر اور ویڈیوز کو فیک قرار دیا تھا جس کے بعد راکھی ساونت کا شدید ردعمل سامنے آیا تھا۔

میڈیا سے گفتگو کے دوران راکھی ساونت نے صحافیوں کو اپنے شوہر کا نمبر دیا تھا اور کہا تھا کہ عادل سے شادی سے انکار کی وجہ پوچھیں۔

   اب بھارتی میڈیا کے اکاؤنٹ پر خاتون صحافی کی عادل خان اور راکھی سے کی گئی آڈیو کانفرنس کال شیئر کی گئی ہے جس میں عادل اپنے بیان سے مکر گئے اور کہنے لگے کہ راکھی اور میں اب بھی ساتھ ہیں۔

یہ بھی پڑھیں؛ راکھی ساونت کی کلمہ پڑھتے ہوئے نکاح کی ویڈیو وائرل

عادل خان نے کہا کہ ’ہم دونوں اب بھی ساتھ ہیں، ایک ساتھ گھوم پھر بھی رہے ہیں اور  ہمارے درمیان کچھ بھی برا نہیں ہے، سب کچھ بہت اچھا ہے‘۔

 دوران کانفرنس کال راکھی کا کہنا تھا کہ ’آپ کے انکار کے بعد سے میں رو رہی ہوں، میری والدہ کی طبیعت بھی اسی لیے خراب ہے، آپ مجھے مرتے دم تک نہیں چھوڑسکتے ‘۔

کانفرنس کال کے دوران جب راکھی نے عادل سے شادی سے انکار کا سوال کیا تو انہوں نے یوٹرن لے لیا اور راکھی سے سوال کیا کہ ’میں نے کس کو انکار کیا جس پر صحافی نے واضح کیا کہ آپ نے مجھے کہا تھا کہ یہ فیک ہے ‘۔

جواب میں عادل خان نے کہا کہ ’میں نے یہ کہا تھا کہ میری طرف سے اس شادی کی کنفرمیشن نہیں ہے میں کوئی تبصرہ نہیں کرنا چاہتا ‘۔