پاکستان شوبز انڈسٹری کی مشہور و معروف اداکارہ غنیٰ علی کے ہاں دوسرے بچے کی پیدائش ہوئی ہے۔

حال ہی میں اداکارہ غنیٰ علی نے سوشل میڈیا کی فوٹو اینڈ ویڈیو شئیرنگ ایپ انسٹا گرام پر چند تصاویر پوسٹ کیں جس میں انہوں نے بیٹے کی پیدائش کی اطلاع دی۔

اداکارہ نے شیئر کی گئی تصاویر کے کیپشن میں لکھا کہ “ہم نے اپنے بیٹے کا نام محمد علی جاہ عمیر رکھا ہے”۔

انہوں نے لکھا کہ “ہماری فیملی میں آج ایک بیٹے کی آمد ہوئی ہے، فائجہ کا بھائی آگیا ہے، ہم خوشی کے ساتھ اپنے بیٹے محمد علی جاہ عمیر کی پیدائش کا اعلان کرتے ہیں”۔

ان کا کہنا تھا کہ “اب ہمارے گھر میں دو بچے ہیں اور یہ بیٹا اللہ تعالیٰ کا کرم ہے، ہم نے ساتویں مہینے کے حمل کے ساتھ عمرہ ادا کیا، جو میری زندگی کا یاد گار وقت ہے”۔

غنیٰ علی نے لکھا کہ “مجھے نہیں معلوم کہ مجھ میں اتنی ہمت کہاں سے آئی، اللہ کا شکر ہے اور اس کے بعد میرے شوہر کا”۔

ان کا کہنا تھا کہ “میرے دونوں بچے خوش نصیب ہیں کہ انہیں ایک ایسا باپ ملا ہے جو ہر مشکل میں ان کے ساتھ سائے کی طرح کھڑا ہے، جو اپنی ضروریات کو پورا کرنے سے پہلے ہمیشہ دوسروں کا سوچتا ہے”۔

معروف اداکارہ نے لکھا کہ “ان کے دونوں بچے اپنے والد جیسے ہی بننے اور ہمیشہ مشکل وقت میں ایسے ہی میسر رہے جیسے ان کے والد ان کے لئے ہوتے ہیں”۔

یہ بھی پڑھیں: شوہر کی پہلی شادی کے متعلق غنیٰ علی کا اہم انکشاف

واضح رہے کہ غنیٰ علی کے یہاں 2021 میں بیٹی پیدا ہوئی جس کا نام “فائجہ” ہے۔

غنیٰ علی کی انسٹا گرام پوسٹ پر انڈسٹری کے نامور فنکاروں نے مبارکباد پیش کی جبکہ مداحوں کی جانب سے بھی نیک خواہشات کے اظہار کا سلسلہ جاری ہے۔