امریکی شوبز انڈسٹری سے تعلق رکھنے والے دنیا کے مقبول ترین جوڑے کائلی جینر اور ٹریوس اسکوٹ نے راہیں جدا کرلی۔

سوشل میڈیا پر امریکی ٹی وی اسٹار اور کاسمیٹکس کمپنی کی نوجوان مالکہ کائلی جینر اور ٹریوس اسکوٹ کی علحیدگی کے متعلق خبروں پر قیاس آرائیاں جاری ہیں۔

بین الاقوامی میڈیا رپورٹس کے مطابق اس نامور جوڑے میں ایسا پہلی مرتبہ نہیں ہوا ہے ، اس کی اہم وجہ یہ ہے کہ ان دونوں کی شخصیت میں بے انتہا فرق ہے۔

کائلی اپنے بچوں اور اپنے کاروبار پر بہت توجہ مرکوز رکھتی ہے جبکہ  ٹریوس اس کے برعکس شخصیت کے مالک ہیں ، وہ پارٹی کرنا پسند کرتے ہیں۔

سال 2020 میں ایک آن لائن مطالعے نے کائلی جینر اور ٹریوس اسکوٹ کو مشہور ترین میاں بیوی بھی قرار دیا تھا۔

یہ بھی پڑھیں: سال 2022 کی وہ 3 شوبز جوڑیاں جن کی طلاق کی افواہیں گرم ہیں

واضح رہےکہ کائلی امریکی رئیلٹی شو کی نامور اسٹار اور عالمی شہرت کی حامل اسٹار کم کارداشیان کی سوتیلی بہن بھی ہیں۔