بالی ووڈ فلم انڈسٹری کے مشہور و معروف اداکار سنیل شیٹی کی صاحبزادی اتھیا شیٹی کی بھارتی کرکٹر کے ایل راہول سے شادی کی تقریبات کا آغاز آج سے ہو رہا ہے۔

اتھیا شیٹی اور کے ایل راہول کی شادی 23 جنوری کو ہوگی جس میں بالی ووڈ سمیت دنیائے کرکٹ سے تعلق رکھنے والے اسٹارز کو مدعو کیا گیا ہے۔

جوڑے کی شادی کی تقریب کا وینیو سنیل شیٹی کا کھنڈالا میں قائم عالیشان بنگلہ ہے، تاہم تقریب میں شرکت کرنے والے مہمانوں کو ریڈیسن ہوٹل میں ٹھہرایا جائے گا جس کے لیے ہوٹل میں بکنگ بھی کروائی جا چُکی ہے۔

اتھیا اور کے ایل راہول کے ولیمے کی تقریب شادی کے فوری ہونے کے بجائے ایک یا دو ماہ بعد ہوگی جس میں بڑی تعداد میں بھارت کی شوبز اور اسپورٹس شخصیات شرکت کریں گی۔

کھنڈالا میں قائم سنیل شیٹی کا عالیشان فارم ہاؤس نما بنگلے کی کچھ جھلکیاں دیکھیں۔

یہ بھی پڑھیں: بالی وڈ اس وقت ایک مشکل دور سے گزر رہا ہے، سنیل شیٹھی

واضح رہے کہ گزشتہ کئی ماہ سے سنیل سیٹھی کی بیٹی اور کر کٹر ایل راہول کی شادی کی تاریخ کے بارے میں کئی افواہیں سامنے آ رہی تھیں لیکن بلآخر ان کی شادی کی تقریبات کا  آغاز ہو گیا۔