بھارت کی معروف اداکارہ راکھی ساونت کے شوہر عادل خان نے شادی کی ویڈیوز اور تصاویر کو فیک قرار دیدیا ہے۔

حال ہی میں راکھی کے نئے شوہر عادل خان نے بھارتی میڈیا سے گفتگو کے دوران شادی کی تصاویر اور ویڈیوز کو فیک قرار دے دیا جس کے بعد  راکھی کی دوسری شادی نے ایک نئے تنازع کو جنم دے دیا ہے۔

بعدازاں راکھی ساونت اپنے شوہر عادل خان کے بیان پر ردعمل دیتے ہوئے زاروقطار رو پڑیں اور دہائیاں دینے لگیں۔

یہ بھی پڑھیں؛ راکھی ساونت کی کلمہ پڑھتے ہوئے نکاح کی ویڈیو وائرل

    بھارتی میڈیا کے سوشل میڈیا اکاؤنٹ پر راکھی سے کی جانے والی آڈیو کال شیئر کی گئی ہے جس میں راکھی کہہ رہی ہیں ’ایک طرف موت کے منہ میں جاتی ماں کو سنبھالوں یا پھر عادل کا شادی سے انکار سنبھالوں، مجھ پر ظلم بند کرو، شادی کے بعد بھی ایک پل سکون نہیں ملا، عادل اور میں 7 مہینے سے ساتھ رہ رہے ہیں ‘۔

انہوں نے کہا کہ ’ میں نے عادل سے کہا تھا مجھے شادی وائرل کرنی ہے لیکن انہوں نے کہا تھا کہ ابھی نہیں کیوں کہ میری بہن کی شادی ہے ‘۔

دوران کال  راکھی نے  کہا کہ’ اگر عادل نے مجھ سے شادی کو خاندان کے آگے قبول نہیں کرنا تھا تو مجھ سے شادی کیوں کی میری زندگی خراب کیوں کی ؟ میں نے عادل سے شادی کیلئے اسلام قبول کیا، اپنا نام بدلا، عادل کے طور طریقے اپنا رہی ہوں‘۔

راکھی نے کہا کہ ’ عادل نے مجھ سے کہا تھا کہ شادی کو میڈیا سے خفیہ رکھنا میں نے تسلیم کیا کہ نہیں بتائیں گے لیکن اب ساری چیزیں موجود ہیں تو عادل کیوں انکار کررہے ہیں، وجہ بتائیں کہ کیا ہے میں جب عادل سے پوچھتی ہوں تو وہ انکار کردیتے ہیں اور کہتے ہیں کہ مجھے میڈیا سے بات نہیں کرنی ‘۔

واضح رہے کہ گزشتہ روز راکھی اور عادل کی نکاح کی ویڈیو وائرل ہو گئی تھی جس میں راکھی کو کلمہ پڑھ کر نکاح قبول کرتے دیکھا گیا تھا۔