کم عمری میں شادی کرنے والے اور معروف ٹک ٹاکر اسد نے دوسری شادی کرنے کا فیصلہ کرلیا ہے۔

حال ہی میں کم عمری میں شادی کے بندھن میں بندھنے والی خاص جوڑی اسد اور نمرہ نے ایک انٹرویو دیا جس میں انہوں نے شادی کے بعد کی زندگی اور یوٹیوب کی کمائی پر بات کی۔

دورانِ انٹرویو اسد کا کہنا تھا کہ یوٹیوب سے ہونے والی کمائی سے میں اپنی دوسری شادی کروں گا جس کے بعد وہ چونکتے ہوئے اپنی اہلیہ نمرہ کی جانب دیکھتے ہیں۔

نمرہ نے فوراً اسد کی بات پر کہا کہ مرد ذات کبھی بھی نہیں بدل سکتی، انہیں جتنا خوش رکھو گے یہ اتنی ہی حرکتیں کریں گے۔

یاد رہے کہ لاہور سے تعلق رکھنے والے 18 سالہ اسد نے اپنی ہی ہم عمر نمرہ سے سال 2020 میں شادی کی تھی۔

اسد او لیولز کے طالب علم تھے اور مسقط میں رہائش پذیر تھے جبکہ نمرہ پاکستان میں ہی تعلیم حاصل کر رہی تھیں۔

اُس دوران شادی تصاویر اور ویڈیوز انٹرنیٹ پر اسد کی بہن کی جانب سے شیئر کی گئی تھیں جس کے بعد یہ تصاویر دیکھتے ہی دیکھتے انٹرنیٹ کے ہر پلیٹ فارم پر وائرل ہو گئیں۔

سوشل میڈیا صارفین نے اس کم عمر جوڑے کی شادی کو خوب سراہا اور سوشل میڈیا پر انہیں فالو کرنا بھی شروع کردیا جس کے بعد یہ جوڑا اسٹار بن گیا۔

صارفین کی توجہ اور محبت حاصل کرنے کے بعد نمرہ اور اسد نے یوٹیوب پر وی لاگ بنانا بھی شروع کیے جہاں اُنہیں خوب پذیرائی ملی۔

گزشتہ دنون اس جوڑے نے اپنے مداحوں کو بتایا کہ وہ والدین بن گئے ہیں، 9 اگست 2022 کو ان کے ہاں بیٹے کی پیدائش ہوئی ہے۔