سوشل میڈیا پر اپنی بولڈ ڈریسنگ کی وجہ سے جانی جانے والی بھارتی اداکارہ عرفی جاوید آخر کار مشکل میں پھنس گئی ہیں۔

عرفی جاوید کو بھارتیہ جنتا پارٹی (بی جے پی) کی خاتون رہنما چترا کشور واگ کی شکایت پر پولیس نے انکوائری کےلیے طلب کرلیا۔

بی جے پی کی خاتون رہنما نے عرفی کے خلاف دائر اپنی درخواست میں کہا کہ اداکارہ ممبئی کی سڑکوں پر غیرمناسب لباس پہن کر اپنے جسم کی نمائش کرتی پھرتی ہیں۔

چترا کشور واگ نے اپنی درخواست میں کہاکہ کوئی سوچ نہیں سکتا کہ آئین میں دی گئی اظہار رائے کی آزادی کو کوئی اس طرح پریشان کن انداز میں بھی استعمال کرسکتا ہے۔

یہ بھی پڑھیں: عرفی جاوید کو جان سے مارنے کی دھمکی دینے والا شخص گرفتار

انہوں نےکہاکہ اگر عرفی اسی طرح سے رہنا چاہتی ہیں تو وہ چار دیواری کے اندر رہ کر یہ کام کریں۔

چترا کشور واگ کی درخواست میں یہ بھی تحریر تھا کہ عرفی کو شاید اس بات کا اندازہ نہیں ہے کہ وہ معاشرے میں بگاڑ اور اشتعال کا سبب بن سکتی ہیں۔

واضح رہے کہ اداکارہ عرفی کو ان کے بولڈ لُکس کی وجہ سے  مداحوں حتیٰ کہ سیاسی شخصیات کی جانب سے بھی تنقید کا نشانہ بنایا جاچکا ہے۔