معروف بالی ووڈ ڈائریکٹر کرن جوہر نے زیادہ معاوضہ لینے والے اداکاروں پر کڑی تنقید کی ہے۔

حال ہی میں اپنے دیے گئے ایک انٹرویو میں کرن جوہر نے فلم انڈسٹری کے ان اداکاروں پر تنقید کی جو فلم کا حصہ بننے کے لیے زیادہ پیسے تو مانگ لیتے ہیں مگر فلم کی تشہیر تک نہیں کرتے۔

کرن جوہر نے بتایا کہ ان کے والد انہیں کہا کرتے تھے کہ ستاروں سے بھرپور فلم کبھی ناکام نہیں ہوتی اس پر لگایا گیا بجٹ ناکام ہوتا ہے۔

یہ بھی پڑھیں: کرن جوہر نے خود کو عالیہ اور رنبیر کی بیٹی کا نانا قرار دے دیا

ان کا کہنا تھا کہ کچھ اداکار فلم کے لیے 20 کروڑ کی بھاری رقم تک مانگتے ہیں مگر فلم کی زرا سی بھی پروموشن نہیں کرتے۔

انہوں نے کہا کہ یہ کہاں کا انصاف ہے کہ کام صرف پانچ کروڑ کا کیا جائے اور معاوضہ 20 کروڑ لیا جائے۔

معروف بالی ووڈ ڈائریکٹر کرن جوہر نے مزید کہا کہ وہم ایک ایسی بیماری ہے جس کی کوئی ویکسین نہیں ہے۔

یہ بھی پڑھیں: کرن جوہر کو بالی ووڈ میں رشتہ کروانے والی آنٹی کہنے کی وجہ سامنے آ گئی