پاکستانی ڈرامہ انڈسٹری کی اداکارہ اور نامور ٹی وی میزبان مرحوم عامر لیاقت حسین کی سابقہ اہلیہ  سیدہ طوبیٰ انور نے اپنی دوسری شادی کے حوالے سے بالآخر بتادیا۔

سوشل میڈیا پر سیدہ طوبیٰ انور کے پوڈ کاسٹ کے کئی ٹیزرز وائرل ہو رہے ہیں، جس میں انہوں نے اپنی ذاتی زندگی اور شادی کے بارے میں کھل کر گفتگو کی۔

انہوں نے بتایاکہ کس طرح عامرلیاقت حسین کے ساتھ شادی کے بعد انہیں گھر توڑنے والی قرار دیا گیا اور انٹرنیٹ صارفین اور عامر لیاقت کی فیملی نے کس طرح انہیں تنقید کا نشانہ بنایا۔

طوبیٰ انور نے بتایا کہ یہ شادی میرے لیے ایک تلخ تجربہ تھا۔ اس وقت میری عمر بہت کم تھی تاہم اب مجھے معلوم ہے کہ مجھے کیا کرنا ہے۔

دوسری شادی کے حوالے سے بات کرتے ہوئے انہوں نے کہاکہ فی الحال میں خود پر توجہ مرکوز رکھنا چاہتی ہوں اور اس تکلیف سے نکلنا چاہتی ہوں جس سے میں گزری۔

اداکارہ نے بتایاکہ زندگی میں آگے چل کر کبھی دوسری شادی کے بارے میں سوچوں گی۔

اداکارہ نے اپنے مشکل وقت کو یاد کرتے ہوئے کہاکہ انہیں جنونی لوگوں کی طرف سے  قتل اور ریپ کی دھمکیاں دی گئیں۔

یہ بھی پڑھیں: سیدہ طوبیٰ انور کی دلکش تصاویر نے مداحوں کو اپنے سحر میں جکڑ لیا

اپنی علیحدگی کے حوالے سے بات کرتے ہوئے اداکارہ نے کہا کہ طلاق کو اب بھی ایک سماجی ممنوع سمجھا جاتا ہے۔

انہوں نے انکشاف کیا کہ وہ کبھی بھی ایسے صدمے سے گزرنے پر یقین نہیں رکھتی تھیں۔