خودکشی کرنے والی بھارتی اداکارہ تنیشا شرما کی نئی ویڈیوز سوشل میڈیا پر وائرل ہو گئی ہیں۔

حال ہی میں گوراوو بھگت نامی پراسرار لڑکے نے اپنے انسٹاگرام اکاؤنٹ پر تنیشا شرما کے ہمراہ کچھ ویڈیو پوسٹ کی ہیں۔

شیئر کی گئی ویڈیوز میں تنیشا کو گوراوو بھگت کو بوسہ دیتے دیکھا جا سکتا ہے۔

یہ بھی پڑھیں: بھارتی ادکارہ کی خودکشی کے پیچھے کس کا ہاتھ؟ والدہ کا تہلکہ خیز انکشاف

 گوراوو بھگت نے اپنی انسٹا اسٹوری پر لکھا ہے کہ تنیشا مجھ سے کہتی تھی کہ میں اس ریل کو ایڈٹ کروں تو میں نے آج  یہ ویڈیو ایڈٹ کر دی ہے۔

ایک اور پوسٹ میں گوراوو بھگت نے لکھا ہے کہ میں واپس بھارت آکر تمھیں سرپرائز دینا چاہتا تھا لیکن چیزیں درست میں نہیں جا رہی تھیں اس لیے میں اس پوسٹ میں تمام چیزیں لکھ رہا ہوں۔

واضح رہے کہ گزشتہ ماہ ڈرامے کی شوٹنگ کے دوران سیٹ پر خودکشی کرنے والی اداکارہ تنیشا شرما کی موت کا ذمہ دار ان کے دوست اور اداکار شیزان خان کو قرار دیا گیا تھا۔

یہ بھی پڑھیں؛ تنیشا نے خود کشی سے قبل شیزان کی والدہ سے کیا بات کی؟ فون کال لیک ہوگئی

 تنیشا کی خودکشی کے بعد پولیس نے فوری طور پر شیزان خان کو حراست میں لیا اور وہ تاحال زیر حراست ہیں۔

دوسری جانب ان کے وکیل نے خدشے کا اظہار کیا کہ شیزان کی جس طرح کی ذہنی کیفیت ہے وہ کوئی انتہائی اقدام بھی اٹھا سکتے ہیں لہٰذا انہیں سیکیورٹی فراہم کی جائے۔