بالی ووڈ کے معروف اداکار ہریتھک روشن کی پہلی اور مشہور زمانہ فلم کہو نا پیار ہے کے ننھے اداکار (امیت) ابھیشک شرما کی نئی تصویر نے صارفین کو شدید پریشان کردیا ہے۔

حال ہی میں اداکار ابھیشک شرما نے اپنے انسٹاگرام اکاؤنٹ پر فلم کہو نا پیار ہے کے 23 سال مکمل ہونے پر اپنی ایک تصویر پوسٹ کی ہے جسے مداحوں کی جانب سے خوب پسند کیا جارہا ہے۔

یہ بھی پڑھیں؛ ماہرہ خان اور ہریتھک روشن کی ملاقات؛ ویڈیو وائرل

 ابھیشک شرما نے اس خاص دن پر اپنی ہریتھک کے ساتھ فلم کہو نا پیار ہے کے سیٹ پر لی گئی تصویر شیئر کی ہے اور اس کے کیپشن میں لکھا ہے کہ ’بڑا طویل سفر طے کرلیا، مجھے خوشی ہے کہ میں اس بہترین تاریخی فلم کا حصہ تھا ‘۔

انہوں نے فلم میں کام کرنے کا موقع دینے پر راکیش روشن کا شکریہ ادا کرتے ہوئے لکھا کہ ’ آپ نے مجھے میرے شوق سے روشناس کروایا ‘۔

اداکار نے بڑے بھائی ہریتھک روشن کا بھی شکریہ ادا کرتے ہوئے لکھا کہ ’ اس سفر کی وجہ سے میرا بچپن بہت اچھا رہا ‘۔

واضح رہے کہ ابھیشک شرما نے فلم کہو نا پیار ہے میں ہریتھک روشن کے چھوٹے بھائی امیت کا کردار ادا کیا تھا۔