پاکستان شوبز انڈسٹری کی معروف اداکارہ و میزبان عفت عمر نے کہا ہے کہ میرے دل میں مریم نواز کے لئے سافٹ کارنر ہے۔

حال ہی میں اپنے دیے گئے ایک انٹرویو میں اداکارہ عفت عمر نے پاکستان مسلم لیگ (ن) کی نائب صدر و چیف آرگنائزر مریم نواز کو نڈر خاتون قرار دے دیا۔

انہوں نے کہا کہ مریم نواز کے فیشن پر کسی کو تنقید کرنے کا حق نہیں ہے، اس میں کسی کا قصور نہیں ہوتا کہ وہ امیر ہے اور وہ فیشن نہیں کر سکتا۔

یہ بھی پڑھیں: فیروز خان کی علیحدگی؛ اداکارہ عفت عمر نے اداکار سے متعلق تہلکہ خیز انکشاف کردیا

ان کا کہنا تھا کہ اگر مریم نواز امیر ہیں تو کیا اس کا مطلب یہ ہے کہ وہ عوام کے سامنے غریب بننے کی ایکٹنگ کریں؟

عفت عمر نے بتایا کہ مریم نواز بہت نڈر خاتون ہیں، باپ کے سامنے جیل میں گئیں ہیں۔

یہ بھی پڑھیں: عفت عمر کا فیروز خان اور ثناء جاوید سے متعلق نیا انکشاف

انہوں نے چیئرمین پی ٹی آئی عمران خان پر تنقید کرتے ہوئے کہا کہ عمران خان کے دورِ حکومت میں جیل میں مریم نواز کے ساتھ جو کچھ ہوا اُس پر عمران خان نے بہت کم ظرفی دکھائی ہے اس لئے میرے دل میں مریم نواز کے لئے سافٹ کارنر ہے۔

یہ بھی پڑھیں: اداکارہ عفت عمر کی چیئرمین پی ٹی آئی پر ایک بار پھر تنقید