پاکستان شوبز انڈسٹری کی معروف اداکارہ و میزبان نادیہ خان کی یوٹیوبر نادر علی کے شو میں مہمان بننے سے انکار کرنے کی وجہ سامنے آ گئی ہے۔

حال ہی میں اپنے دیے گئے ایک انٹرویو میں اداکارہ نادیہ خان نے بتایا کہ انہیں نادر علی کی ٹیم نے متعدد بار مدعو کیا ہے لیکن انہوں نے جانے سے انکار کر دیا ہے اور وہ ان کے پوڈ کاسٹ میں مہمان نہیں بنیں گی۔

انہوں نے کہا کہ وہ ایسے شوز میں شرکت کرنا پسند کرتی ہیں جہاں کوئی سنسنی خیزی نہ ہو اور اس لیے وہ نادر کے پوڈ کاسٹ میں نہیں جائیں گی۔

یہ بھی پڑھیں: اداکارہ نادیہ خان نے معاشرے کے تلخ حقائق سے پردہ اُٹھا دیا

ان کا کہنا تھا کہ وہ ایک ایسے شو میں آنا چاہتی ہیں جہاں وہ آزادانہ طور پر اپنی بات کہہ سکیں اور وہ پُر سکون ہوں اور وہ کبھی بھی کسی ایسے شو میں نہیں جائیں گی جہاں انہیں متنازعہ باتیں کہنے پر مجبور کیا جائے۔

نادیہ خان نے کہا کہ وہ شو میں عزت حاصل کرنے جاتی ہیں، بے عزتی کروانے نہیں۔

یہ بھی پڑھیں: ندا یاسر نے نادیہ خان کا مارننگ شو کی پہلی میزبان ہونے کا دعویٰ مسترد کردیا

پاکستان شوبز انڈسٹری کی معروف اداکارہ و میزبان نادیہ خان کا مزید کہنا تھا کہ یوٹیوبر اور بلاگر چند ویوز اور ڈالرز کے لیے اداکاروں کی نجی زندگی پر جھوٹی ویڈیوز بناتے ہیں، انہیں معلوم ہی نہیں ہے کہ اس چیز کا کتنا عذاب ہے۔