بھارت کے معروف اداکار ہریتھک روشن نے اپنی جسمانی فٹنس سے متعلق اہم انکشاف کیا ہے۔

حال ہی میں بالی ووڈ کے معروف اداکار ہریتھک روشن نے اپنے ایک انٹرویو میں اپنی فٹنس کا راز بتایا۔

انٹرویو کے دوران ان سے سوال پوچھا گیا کہ ان کی جسمانی فٹنس کا راز کیا ہے؟ کیا وہ پروٹین سے بھرپور غذا کھاتے ہیں، سخت ورزش کرتے ہیں یا کچھ اور؟

سوال کے جواب میں اداکار کا کہنا تھا کہ’میں آپ کو بہت بیزار کن راز بتانے والا ہوں’۔

یہ بھی پڑھیں؛ اداکار ہریتھک روشن ہر فلم سے پہلے کلائی پر کالا دھاگا کیوں باندھتے ہیں؟

انہوں نے کہا کہ ‘میری جسمانی فٹنس کا راز ڈسپلن میں چھپا ہے، میں اسے اس لیے بیزار کن کہہ رہا ہوں کیونکہ میری فٹنس کے پیچھے کوئی جدید تکنیک نہیں بلکہ صدیوں پرانی تکنیک یعنی ڈسپلن ہے، زندگی کے لیے میرا مقصد فٹ اور خوش رہنا ہے’۔

ہریتھک روشن نے کہا کہ ‘میں دنیا کے چند سست ترین افراد میں سے ایک ہوں، میں اتنا سست ہوں کہ مجھے خود کو فٹ رکھنا پڑتا ہے’۔

اداکار کا کہنا تھا کہ ‘میری حالیہ فلم باکس آفس میں کامیاب نہیں ہوئی، باکس آفس کسی اداکار کے لیے بہت اہم ہوتا ہے مگر میں نے فلم میں اپنے کردار کے بارے میں لوگوں کی اچھی رائے سنی جس سے میرے اندر مزید اچھا کام کرنے کا جذبہ بڑھا’۔

یہ بھی پڑھیں؛ ہریتھک روشن کونسی بیماری کا شکار تھے؟ اداکار نے بتادیا

انہوں نے کہا کہ ’ میں خود کو اسٹار کی بجائے اداکار کہلانا زیادہ پسند کرتا ہوں کیونکہ ایک اداکار کی جسامت نہیں بلکہ اس کی پرفارمنس اہمیت رکھتی ہے‘۔

بھارت کے معروف اداکار ہریتھک روشن نے کہا کہ ’ میں نہیں جانتا کہ کب تک شوبز کا حصہ رہوں گا مگر میں اپنے کیرئیر کا اختتام اچھا کرنا چاہتا ہوں‘۔