تونیشا شرما خودکشی کیس میں شیزان خان کے وکیل شیلندر مشرا نے معاملے کا رخ ہی بدل دیا ہے۔

ممبئی واسائی کورٹ میں شیزان خان کی ضمانت سے متعلق سماعت پر وکیل شیلندر مشرا کا کہنا تھا کہ تونیشا شرما نے موت سے صرف 15 منٹ پہلے ڈیٹنگ ایپ پر علی نامی لڑکے سے بات کی تھی۔

انہوں نے کہا کہ میرے موکل کو صرف مذہب کی وجہ سے گرفتار کیا اور اسے ’لو جہاد‘ کا اینگل دیا گیا۔

یہ بھی پڑھیں: معروف بھارتی اداکارہ نے فلم کے سیٹ پر خودکشی کر لی

ان کا کہنا تھا کہ میرے موکل سے بریک اپ کے بعد تونیشا نے ڈیٹنگ ایپ جوائن کرلی تھی جہاں اُس نے علی نامی لڑکے کو ڈیٹ کرنا بھی شروع کردیا تھا۔

شیزان خان کے وکیل شیلندر مشرا کے مطابق اداکارہ نے خودکشی سے صرف 15 منٹ پہلے علی سے ویڈیو کال کی، میرا موکل نہیں وہ علی تھا، جس سے تونیشا رابطے میں تھی۔

انہوں نے کہا کہ تونیشا خودکشی کے لیے ذہنی طور پر تیار تھی، اپنے پراعتماد ساتھی اداکار پارتھ سے رسی لاکر دینے کے لیے بھی کہا تاکہ وہ زندگی کا خاتمہ کرسکے۔

ان کا کہنا تھا کہ میرے موکل نے جب یہ باتیں سنیں تو تونیشا کے خاندان سے رابطہ کیا، انہیں خبردار کیا اور اداکارہ کا خیال رکھنے کے لیے کہا۔

یہ بھی پڑھیں: بھارتی اداکارہ تنیشا شرما کی خودکشی؛ عرفی جاوید شیزان کی حمایت میں سامنے آگئیں

شیزان کے وکیل نے یہ بھی کہا کہ میرے موکل اور تونیشا شرما کے تعلقات بریک اپ کے بعد بھی خوشگوار تھے، وہ دونوں ہی شو کی شوٹنگ میں تسلسل سے حصہ لے رہے تھے۔

انہوں نے کہا کہ میرے موکل پر الزام لگایا جارہا ہے کہ وہ تونیشا کو اردو بولنے پر مجبور کرتا تھا جبکہ حقیقت یہ ہے کہ وہ خود بھی اس زبان سے واقف نہیں، اس کی بہنیں بھی اردو نہیں جانتیں، وہ تو ڈائریکٹر کی ڈیمانڈ پر اپنی لائنیں سیکھتا ہے۔

انہوں نے مزید کہا کہ تونیشا شرما کی باحجاب تصاویر کی بنیاد پر میرے موکل پر مذہب تبدیلی کےلیے دباؤ ڈالنے کا الزام لگایا گیا، دراصل جو لباس اداکارہ نے زیب تن کیا وہ شو کی ڈیمانڈ تھا۔

یہ بھی پڑھیں: تنیشا شرما خودکشی کیس: پولیس کو میک اپ روم سے ’اہم ثبوت‘ مل گیا

شیزان کے وکیل نے یہ بھی کہا کہ میرے موکل کو صرف مذہب کی بنیاد پر گرفتار کرکے معاملے کو لو جہاد کا اینگل دیا گیا، وہ مجھ سے پوچھ گچھ کرسکتے تھے تاکہ سچ سامنے آجائے لیکن مجھے مسلمان ہونے کی وجہ سے گرفتار کیا گیا۔

شیلندر مشرا کا کہنا تھا کہ میرے موکل کے خلاف کوئی ثبوت نہ ہونے کے باوجود مقدمہ درج کیا گیا، دراصل پہلے یہ طے ہونا چاہیے کہ تونیشا شرما کی موت خودکشی تھی یا کچھ اور تھا؟ میں کیس کے تمام حقائق عدالت کے روبرو رکھ چکا ہوں۔

یہ بھی پڑھیں: تنیشا خودکشی کیس میں نیا موڑ، ویڈیو سامنے آگئی