بھارت کی نامور ارب پتی کاروباری شخصیت مکیش امبانی نے اپنے چھوٹے بیٹے آننت امبانی کی منگنی کروادی۔

مکیش امبانی کے بیٹے کی منگنی کی تقریب میں مشہور بھارتی گلوکار میکا سنگھ نے 10 منٹ گانا گانےکا بھاری معاوضہ لیا جس کی  سوشل میڈیا پر دھوم مچی ہوئی ہے۔

بھارتی میڈیا کا اس حوالے سے دعویٰ ہے کہ سنگر میکا سنگھ نے نیتا امبانی اور مکیش امبانی کے چھوٹے بیٹے آننت امبانی کی منگنی کی تقریب میں 10 منٹ گانا گانے کے لیے ڈیڑھ کروڑ بھارتی روپے (4 کروڑ سے زائد پاکستانی روپے) معاوضہ لیا۔

سوشل میڈیا پر وائرل ویڈیوز میں دیکھا گیا کہ میکا سنگھ گرینڈ پارٹی میں آننت امبانی کے ساتھ ڈانس کرتے ہوئے گانا گا رہے ہیں۔

ویڈیو دیکھیں:

گزشتہ روز نیتا امبانی اور مکیش امبانی کے چھوٹے بیٹے آننت امبانی کی رادھیکا مرچنٹ سے منگنی کی تقریب منعقد کی گئی۔

مکیش امبانی کے چھوٹے بیٹے آننت امبانی کی منگنی کی تقریب کا انعقاد راجستھان کے شری ناتھ جی مندر میں کیا گیا۔

اس موقع پرامبانی اور مرچنٹ خاندان کے افراد اور دوستوں سمیت شوبز ستاروں نے بھی شرکت کی۔

آننت امبانی کی منگیتر رادھیکا مرچنٹ معروف بھارتی بزنس مین ویرن مرچنٹ کی بیٹی ہیں،انہوں نے نیویارک یونیورسٹی سے سیاست اور معاشیات کی تعلیم حاصل کی ہے۔