معروف ٹیلی ویژن میزبان اور سیاستدان عامر لیاقت مرحوم کی سابق اہلیہ سیدہ بشریٰ اقبال نے انکشاف کیا ہے کہ ان کی آخری خواہش کے مطابق ان کا پوسٹ مارٹم روک دیا گیا تھا۔

 عامر لیاقت کی بیوہ دانیہ شاہ کی گرفتاری سے متعلق ویڈیو لیک کیس میں عدالت میں پیشی کے موقع پر دیے گئے انٹرویو میں بشریٰ نے کہا کہ عامر کی جائیداد پر کوئی تنازعہ نہیں ہے اور ان کا گھر آج تک سیل ہے اور وہ یہ مقدمہ اپنے خرچ پر لڑ رہی ہیں۔

یہ بھی پڑھیں: نازیبا ویڈیو کیس، دانیہ شاہ کی درخواست ضمانت کی سماعت ملتوی

بشریٰ کے مطابق عامر کا پوسٹ مارٹم اس وصیت کی وجہ سے روکا گیا جو انہوں نے اپنے دوست ثاقب کو کی تھی، جس میں انہوں نے کہا تھا کہ اگر انہیں کبھی کچھ ہوا تو وہ پوسٹ مارٹم نہیں کروانا چاہتے۔

یہ بھی پڑھیں: بشریٰ اقبال کا دانیہ شاہ کی گرفتاری کے بعد اہم بیان سامنے آگیا

عامر لیاقت کی جائیداد کے حوالے سے انہوں نے کہا کہ عامر کی سب سے بڑی جائیداد ان کے بچے ان کے ساتھ ہیں۔