پاکستان کے معروف اداکار بابر علی اور  سید جبران کی چھم چھم کھیلتے ویڈیو سوشل میڈیا پر وائرل ہو گئی ہے۔

حال ہی میں پاکستانی اداکار جبران نے اپنے انسٹاگرام اکاؤنٹ پر ایک ویڈیو پوسٹ کی ہے جس میں انہیں سینئر اداکار بابر علی کے ساتھ چھم چھم کھیلتے دیکھا جاسکتا ہے۔

  شیئر کی گئی ویڈیو کے کیپشن میں اداکار نے لکھا ہے کہ ’ آپ سب میں سے کس کس کو  چھم چھم یاد ہے ‘۔

یہ بھی پڑھیں؛ اداکار سید جبران نے ڈراموں میں منفی کردار ادا کرنے کی وجہ بتادی

 وائرل ویڈیو پر سوشل میڈیا صارفین کی جانب سے دلچسپ تبصروں کا سلسلہ جاری ہے۔

اس سے قبل سینئر اداکار بابر علی اور ماڈل و اداکارہ نادیہ حسین کی ویڈیو سوشل میڈیا پر وائرل ہوگئی تھی۔

اداکارہ نادیہ حسین نے فوٹو اور ویڈیو شیئرنگ ایپ انسٹاگرام پر ویڈیو شیئر کی تھی۔

ویڈیو میں نادیہ حسین لپسنگ کرتے ہوئے کہتی ہیں کہ سنو جی ڈاکٹر نے مجھے ایک مہینہ آرام کرنے کے لیے بولا ہے، سوئٹزرلینڈ، پیرس، امریکا اور لندن ان میں سے آپ مجھے کہاں لے کر جاؤ گے۔

بابر علی تھوڑا سا آگے بڑھ کر سوچتے ہوئے کہتے ہیں کہ دوسرے ڈاکٹر کے پاس۔

انہوں نے اس ویڈیو کو شئیر کرواتے ہوئے کیپشن میں لکھا تھا کہ سیٹ پر بابر علی کے ساتھ مستی۔

وائرل ویڈیو کو مداحوں کی جانب سے بہت پسند کیا گیا اور دلچسپ تبصرے بھی کیے گئے۔

واضح رہے کہ نادیہ حسین اداکار بابر علی کے ساتھ اسی طرح کی مزاحیہ ویڈیوز اکثر شیئر کرتی رہتی ہیں جسے ان کے مداح بھی پسند کرتے ہیں۔