پاکستان کی معروف اداکارہ صرحا اصغر  اپنے بڑے بھائی کو یاد کر کے جذباتی ہو گئیں۔

حال ہی میں اداکارہ نے اپنے ایک انٹرویو کے دوران امریکی فوج میں شامل اپنے بھائی کی موت کا واقعہ شیئر کیا۔

 انہوں نے کہا کہ ’ میں آج تک زندگی کا وہ لمحہ نہیں بھول پاتی جب امریکا میں میرے سب سے بڑے بھائی کا انتقال ہوا تھا اور میں ان کی تدفین میں نہیں جاسکی تھی کیوں کہ پاکستان میں میرے او لیول کے پیپرز ہورہے تھے‘۔

یہ بھی پڑھیں: اداکارہ صرحہ اصغر کے ہاں بیٹے کی پیدائش

اداکارہ نے کہا کہ ’ میں جانتی تھی کہ میرے بھائی نے میری پڑھائی کیلئے کس طرح فیس بھری تھی لہٰذا میں وہ امتحان نہیں چھوڑ سکتی تھی لیکن اس کے بعد جب میں ہیوسٹن گئی اوربھائی کی قبر پر گئی تو مجھے تب بھی میرے احساسات سمجھ نہیں آئے تھے‘۔

صرحا اصغر نے کہا کہ ’ دو تین دن بعد میں بہت روئی، مجھے ایسا لگتا ہے کہ مجھ میں اتنی ہمت ہی نہیں میں کسی کی تدفین میں شریک ہوسکوں‘۔

یہ بھی پڑھیں: خواتین کی جسامت پر تنقید کا سلسلہ اب ختم ہوجانا چاہیے، اداکارہ صرحا اصغر

انہوں نے کہا کہ ’ بڑے بھائی 2012 میں ہم سے بچھڑے جب ان کی عمر صرف 31 سال تھے، انہوں نے امریکی فوج میں اپنی ذمہ داریاں نبھائی تھیں، انہیں امریکا کی جانب سے اعزازی پرپل ہارٹ بھی دیا گیا تھا، بھائی امریکی فوج کی جانب سے افغانستان جنگ کیلئے آئے تھے ‘۔

اداکارہ نے کہا کہ ’ بھائی کی پیدائش بھی امریکا میں ہوئی تھی، اس واقعے سے 3 روز قبل اسکائپ پر میری ان سے بات ہوئی تھی اور میں نے ان سے داڑھی بنانے پر ناراضی کا اظہار کیا تھا جس پر انہوں نے بتایا کہ یہاں داڑھی اور بال بنانا ضرورت ہے لیکن میں آپ سے اگلے سال ملنے آؤں گا ‘۔

یہ بھی پڑھیں: اداکارہ صرحا اصغر کا اپنے شوہر سے متعلق اہم انکشاف

صرحا اصغر نے کہا کہ ’ میں 3 مہینے کی تھی جب میرے والد کا انتقال ہوا، والد کے ساتھ اگر زیادہ عرصہ گزارا ہوتا تو میں انہیں بہت یاد کرتی لیکن والد کے بعد بھی گھر میں بے حد محبت ملی ‘۔