بھارتی اداکارہ تنیشا خودکشی کیس میں اداکارہ کے گرفتار دوست شیزان خان کے وکیل نے نیا پنڈورا باکس کھول دیا ہے۔

بھارتی میڈیا کے مطابق شیزان خان کے وکیل نے پریس کانفرنس کر کے آنجہانی اداکارہ کی فیملی کو ہی ملزمان کے کٹہرے میں کھڑا کر دیا اور سنگین الزامات عائد کیے ہیں۔

یہ بھی پڑھیں: معروف بھارتی اداکارہ نے فلم کے سیٹ پر خودکشی کر لی 

وکیل نے یہ دعویٰ کیا ہے کہ تُنیشا کے تعلقات اپنی فیملی کے ساتھ اچھے نہیں تھے، ایک بار اداکارہ کی ماں نے اس کا گلا بھی دبایا تھا اور یہ بات تنیشا نے اس وقت جس سیریل میں کام کر رہی تھی اس کے ڈائریکٹر کو بھی بتائی تھی۔

شیزان خان کے وکیل کا کہنا تھا کہ تُنیشا کی محنت کی ساری کمائی اس کی ماں ونیتا شرما اپنے پاس رکھتی تھیں اور وہ اسے ایک ایک پیسے کے لیے محتاج بنائے رکھتی تھیں۔

یہ بھی پڑھیں: اداکارہ کنگنا رناوت نے تنیشا شرما کی موت کو قتل قرار دے دیا

انہوں نے کہا کہ تنشیا اپنی ماں کی دوست سنجیو کوشل سے بہت زیادہ ڈرتی تھی اور اس کی وجہ سے وہ انزائٹی کا شکار بھی رہتی تھی۔

یہ بھی پڑھیں: تنیشا شرما خودکشی کیس: پولیس کو میک اپ روم سے ’اہم ثبوت‘ مل گیا