بالی ووڈ ااداکار عامر خان کی نئی تصویر دیکھ کر مداح تشویش میں مبتلا ہوگئے

بالی وڈ کے مسٹر پرفیکشنسٹ عامر خان کی چھڑی (اسٹک) پکڑ کر چلنے کی تصویر سوشل میڈیا پر وائرل ہوگئی جسے دیکھنے کے بعد ان کے مداح تشویش میں مبتلا ہوگئے۔

گزشتہ دنوں عامر خان نے 35 سال بعد پہلی بار اداکاری سے بریک لیا اور فیملی کے ہمراہ وقت گزار رہے ہیں۔

بالی وڈ اداکار نے حال ہی میں ایک شادی میں شرکت کی ہے جس کی تصویر سوشل میڈیا پر تیزی سے وائرل ہو رہی ہے اور اس تصویر نے ان کے مداحوں کو فکر مند کردیا ہے۔

رپورٹس کے مطابق عامر خان نے حالیہ دنوں جے پور کے رام باغ پیلس میں ایک شادی میں شرکت کی جس میں ان کے علاوہ دیگر اسٹارز بھی موجود تھے۔

شادی میں بالی وڈ اداکار کی چھڑی (اسٹک) پکڑ کر چلنے کی تصویر سوشل میڈیا پر وائرل ہوگئی۔

تصویر وائرل ہونے کے بعد مداحوں کی جانب سے ان کی صحت کے حوالے سے تشویش کا اظہار کیا جا رہا ہے تاہم اس حوالے سے عامر خان یا ان کے منیجر کا کوئی بیان سامنے نہیں آیا۔