بھارت کی معروف اداکارہ عرفی جاوید نے اپنے منفرد ملبوسات سے متعلق اہم انکشاف کیا ہے۔

حال ہی میں بھارت کی معروف اداکارہ عرفی جاوید نے اپنے انسٹاگرام اکاؤنٹ پر ڈیزائنر ابو جانی سندیپ کھوسلہ کے لباس میں تصویر شیئر کی ہے۔

تصویر کے کیپشن میں اداکارہ عرفی جاوید نے لکھا ہے کہ ’ ابو جانی سندیپ کھوسلہ کا لباس پہن کر میں بہت خوش ہوں، وہ اپنے کام میں ماہر ہیں اور مجھے ان کے لباس نے مزید بااختیار محسوس کروایا اور بتایا کہ میں کون ہوں ‘۔

عرفی جاوید نے لکھا کہ ’ کوئی ڈیزائنر مجھے کپڑے نہیں دیتا تھا جس کی وجہ سے میں نے خود اپنے کپڑے بنانا شروع کیے، لیکن میرے اس خیال کو ابو جانی سندیپ نے بدل دیا ہے ‘۔

یہ بھی پڑھیں: عرفی جاوید کو پولیس نے انکوائری کیلئے طلب کرلیا

اس سے قبل  بھارت کی معروف اداکارہ نے اپنے ٹوئٹر اکاؤنٹ پر ایک پیغام جاری کیا تھا جس میں انکا کہنا تھا کہ ’ممبئی میں  میرے لیے کرائے کے اپارٹمنٹ کی تلاش مشکل ہوگئی کیوں کہ مسلمان مجھے میرے پہناوے اور ہندو مالکان مجھے مسلمان ہونے کی وجہ سے گھر کرائے پر نہیں دینا چاہتے ‘۔

Muslim owners don’t want to rent me house cause of the way I dress, Hindi owners don’t want to rent me cause I’m Muslim. Some owners have an issue with the political threats I get . Finding a rental apartment in mumbai is so tuff

— Uorfi (@uorfi_) January 24, 2023

یہ بھی پڑھیں: عرفی جاوید کو جان سے مارنے کی دھمکی دینے والا شخص گرفتار

انہوں نے کہا تھا کہ ’ کچھ مالکان کو سیاسی  دھمکیاں ملنے کا مسئلہ ہے، ممبئی میں میرے لیے کرائے کا اپارٹمنٹ تلاش کرنا مشکل ہوگیا ‘۔

واضح رہے کہ عرفی جاوید کو  ان کے کپڑوں کی وجہ سے ریپ اور قتل کی دھمکیاں مل چکی ہیں جب کہ بھارتی وزیر کی جانب سے عرفی کو گرفتار کرنے کا مطالبہ بھی سامنے آچکا ہے۔