بھارت کی معروف اور متنازعہ اداکارہ راکھی ساونت نے اپنی اور شوہر عادل درانی  کی عدالت میں ہونے والی ملاقات سے متعلق کئی انکشافات کیے۔

سیشن کورٹ ممبئی میں پیر کو سماعت کے بعد راکھی ساونت نے میڈیا سے گفتگو کرتے ہوئے بتایاکہ عادل نے عدالت میں مجھے دھمکی دی اور کہا کہ ’میں باہر آؤں گا، پھر تمہارا کیا ہوگا‘۔

انہوں نے بتایا کہ آج عادل نے مجھے اپنے تہاڑ جیل کے ساتھی قیدیوں کا تذکرہ کرکے دھمکی دی اور کہا کہ رہائی کے بعد وہ مجھے دیکھ لے گا۔

راکھی ساونت سے جب پوچھا گیا کہ آپ نے عدالت کو بتایا نہیں کہ مجھے دھمکیاں مل رہی ہیں؟

اس پر انہوں نے کہا کہ یہ بات میں نے اپنی وکیل کو بتائی ہے، جس نے مجھے کہا کہ دھمکی دینے دے وہ فی الحال جیل میں ہے۔

راکھی ساونت نے بتایا کہ آج عدالت میں عادل مجھے ایٹیٹیوڈ دکھا رہا تھا، کہہ رہا تھا جیل میں بڑے بڑے ڈان سے ملا ہوں، سوچ اب تمہیں کیا کرنا ہے؟

یہ بھی پڑھیں؛ راکھی ساونت کی کلمہ پڑھتے ہوئے نکاح کی ویڈیو وائرل

واضح رہےکہ اداکارہ کی ایف آئی آر کے بعد سے عادل درانی عدالتی تحویل میں ہے، اُس پر گھریلو تشدد اور راکھی کی رقم کے غلط استعمال کا الزام ہے۔

یہ بھی پڑھیں؛ مجھے نماز پڑھنے سے کوئی نہیں روک سکتا؛ راکھی ساونت

یہ بھی پڑھیں؛ معروف اداکارہ راکھی ساونت کا شوہر گرفتار