بالی ووڈ اداکار کارتک آریان کو مندر جانا مہنگا پڑ گیا اور ساتھ ہی پولیس نے ان پر طنز بھی کر دیا۔

بھارتی میڈیا کے مطابق کارتک آریان حال ہی میں ریلیز ہونے والی فلم ’شہزادہ‘ کی کامیابی کے سلسلے میں مندر گئے تاہم اس موقع پر وہ مشکل میں پڑ گئے۔

کارتک آریان پر غلط جگہ گاڑی کھڑی کرنے پر ٹریفک پولیس نے چالان کر دیا۔ اس حوالے سے ممبئی پولیس نے بالی ووڈ اداکار پر انہی کی فلم کا نام استعمال کرتے ہوئے طنز بھی کیا۔

Problem? Problem yeh thi ki the car was parked on the wrong side!

Advertisement

Don’t do the ‘Bhool’ of thinking that ‘Shehzadaas’ can flout traffic rules. #RulesAajKalAndForever pic.twitter.com/zrokch9rHl

— Mumbai Traffic Police (@MTPHereToHelp) February 18, 2023

ممبئی پولیس کے سوشل میڈیا اکاؤنٹ پر کارتک آریان کی قیمتی اور مہنگی گاڑی کی تصویر شیئر کرتے ہوئے لکھا گیا کہ ’مسئلہ یہ تھا کہ گاڑی غلط جگہ پر کھڑی کی گئی تھی‘۔

دوسری جانب حکام کا کہنا ہے کہ ممبئی پولیس نے فلم کا نام استعمال کر کے دیگر لوگوں کو بھی انتباہ جاری کیا ہے۔

یہ بھی پڑھیں؛ کارتک آریان کی گاڑی مداحوں کی توجہ کا مرکز بن گئی

رپورٹس کے مطابق ٹریفک پولیس افسر نے کہا ہے کہ گاڑی کسی کی بھی ہو چاہے اداکار کی ہی کیوں نہ ہو اگر ممنوع جگہ پر کھڑی کی جائے گی تو پولیس بھی اپنا کام کرے گی۔