بالی ووڈ کی ابھرتی ہوئی اداکارہ شیوالیکا اوبرائے نے فلم “دریشیم 2” کے ہدایتکار ابھیشیک پاٹھک کے ساتھ اپنی شادی کا اعلان کرنے کے بعد سب کو حیران کردیا۔

بھارتی میڈیا کے مطابق اس نئے جوڑے نے حال ہی میں اپنی شادی کا اعلان کیا ہے، دونوں نے 9 فروری کو شادی کی تقریب میں شادی کی۔

اداکارہ نے اب اپنی مہندی کی تقریب کی کچھ خوبصورت تصاویر اپنے مداحوں کے ساتھ شیئر کی ہیں۔

اداکارہ شیولیکا نے اپنی مہندی میں بھاری مانگ ٹِکا کے ساتھ سبز پرنٹ شدہ لباس کا انتخاب کیا،جس میں وہ بے حد خوبصورت نظر آ رہی ہیں۔

دوسری طرف ابھیشیک سفید کرتہ پاجاما اور ملٹی کلر پرنٹ شدہ نہرو جیکٹ میں ملبوس نظر آئے۔

اس جوڑے کو کیمرے کے لیے دلکش پوز دیتے ہوئے دیکھا جا سکتا ہے۔ خوبصورت تصاویر کے ساتھ شیولیکا نے لکھا کہ ” دھوپ اور قوس قزح”۔

جیسے ہی اداکارہ نے انسٹاگرام پر تصویریں شیئر کیں ، سوشل میڈیا صارفین کی جانب سے لائکس اور تبصرےشروع ہو گئے۔