بھارت کی معروف گلوکارہ وانی جے رام کی لاش ان کے اپنے گھر سے برآمد ہوئی ہے۔

بھارتی میڈیا رپورٹس کے مطابق 78 سالہ وانی جے رام ریاست غربی بنگال کے دارالحکومت چنئی کے علاقے ننگامبکم میں مقیم تھیں۔

رپورٹ میں بتایا گیا کہ گلوکارہ کے سر میں کافی عرصہ قبل چوٹ آئی تھی جس کی وجہ سے وہ بیمار رہتی تھیں، وہ ہفتے کی صبح چنئی میں اپنے گھر پر مردہ پائی گئیں،  ان کی موت کی وجہ ابھی تک واضح نہیں ہو سکی ۔

وانی جے رام کا شمار ساؤتھ کے مشہور پلے بیک سنگرز میں ہوتا تھا، 1945 میں تمل ناڈو میں پیدا ہونی والی وانی جے رام کا اصل نام کالی وانی تھا۔

یہ بھی پڑھیں: معروف بھارتی اداکارہ نے فلم کے سیٹ پر خودکشی کر لی

 وانی نے اپنے کیریئر میں کل 19 زبانوں میں گائے ہیں جن میں تامل، تیلگو، کنڑ، ملیالم، ہندی، اردو، مراٹھی، بنگالی، بھوج پوری، تولو اور اڑیہ شامل ہیں۔

کچھ عرصہ قبل وانی نے اپنے کیرئیر کے 50 سال مکمل کیے تھے، انہوں نے اپنے کیرئیر میں 10 ہزار سے زائد گانے گائے۔

انہوں نے ایم ایس الائیاراجا، آر ڈی برمن، کے وی مہادیون، او پی نیر اور مدن موہن جیسے معروف بھارتی موسیقاروں کے ساتھ کام کیا ہے۔

واضح رہے کہ وانی جے رام کو موسیقی کے میدان میں شاندار کارکردگی کے لیے 3 مرتبہ نیشنل ایوارڈ سے بھی نوازا جا چکا ہے۔

یہ بھی پڑھیں: معروف ٹک ٹاک اسٹار نے خودکشی کرلی