پاکستان شوبز انڈسٹری کی مشہور و معروف اداکارہ ثروت گیلانی شوبز شخصیات کے خلاف نفرت انگیز مہم چلانے والے افراد پر برس پڑیں۔  

حال ہی میں اپنے دیے گئے ایک انٹرویو میں اداکارہ ثروت گیلانی کا کہنا تھا کہ آن لائن منفی مہم فنکاروں کو شدید متاثر کرتی ہے، نفرت انگیز مہم چلانے والے افراد کو پہلے خود پر نظر ڈالنی چاہئے اور خود پر کنٹرول کرنا سیکھنا چاہئے۔

انہوں نے کہا کہ کہ شوبز شخصیات بھی انسان ہیں اور جذبات رکھتے ہیں، نفرت انگیز مہم ان پر اثر ڈالتی ہے۔

یہ بھی پڑھیں: ثروت گیلانی کا بیوی پر تشدد کرنے والے فنکار کے ساتھ کام کرنے سے انکار

ان کا کہنا تھا کہ بدقسمتی سے آج کل ہمارے ہاں یہ کلچر بن گیا ہے کہ ہم اچھی چیزوں کو سراہتے نہیں ہیں بلکہ جیسے ہی ہمیں کوئی غلط چیز نظر آئے ہم منفی مہم شروع کردیتے ہیں۔

ثروت گیلانی نے کہا کہ بسا اوقات ان غیر ضروری مہم سے فنکار ڈپریشن کا شکار ہوجاتے ہیں اور خود کو غیر محفوظ سمجھتے ہیں۔

یہ بھی پڑھیں: مستقبل میں پاکستان اور بھارت کے اداکار ایک ساتھ کام کرتے دکھائی دیں گے، ثروت گیلانی

پاکستان شوبز انڈسٹری کی مشہور و معروف اداکارہ ثروت گیلانی نے ٹرولرز پر تنقید کرتے ہوئے کہا کہ اگر آپ کے پاس انٹرنیٹ اور کی بورڈ ہے تو اس کا مطلب یہ نہیں ہے کہ آپ کو لوگوں کی عزتیں اچھالنے کی اجازت مل گئی ہے۔