بالی ووڈ کی معروف رقاصہ اور اداکارہ راکھی ساونت نے کہا ہے کہ میں نے عادل پر بھروسہ کر کے بہت بڑی غلطی کی ہے۔

حال ہی میں بھارتی میڈیا سے گفتگو کرتے ہوئے راکھی آبدیدہ ہوگئیں اور روتے ہوئے ان کا کہنا تھا کہ “میں نے عادل پر کیوں یقین کیا”، اس دوران راکھی میڈیا کے سامنے خود کو تھپڑ بھی مارنے لگیں۔

انہوں نے کہا کہ “میرے ساتھ بھی حادثہ ہونے والا تھا، عادل نے پلان بنا لیا تھا میں بھی فریج میں جانے والی تھی یا میں بھی کسی ندی یا کوڑے میں جانے والی تھی”۔

خیال رہے کہ  بھارت میں ان دنوں قتل کر کے ٹکڑے فریج میں ڈالنے کے واقعات سامنے آرہے ہیں۔

اس سے قبل اداکارہ راکھی ساونت نے بھارتی میڈیا کو انٹرویو دیتے ہوئے کہا تھا کہ “میں ہر مسلمان نوجوان لڑکے لڑکی کو کہوں گی کہ جمعے کے علاوہ باقی نمازیں بھی پڑھیں”۔

یہ بھی پڑھیں: راکھی ساونت کی نماز پڑھتے ہوئے ویڈیو وائرل

انہوں نے کہا تھا کہ “عادل کو نماز کے لیے کھینچ کر لاتی تھی اور کہتی تھی کہ نماز پڑھ لو ورنہ شیطان پکڑ لے گا”۔

ان کا کہنا تھا کہ “عادل جمعے کے علاوہ کوئی نماز نہیں پڑھتا تھا، میں ہاتھ پاؤں جوڑتی تھی، میں نے اپنا فرض پورا کیا”۔

اداکارہ راکھی ساونت نے کہا تھا کہ “جنہیں زیادہ دکھ ہیں وہ تہجد کی نماز بھی پڑھیں، میں یوٹیوب سے دیکھ کر ساری نمازیں پڑھتی ہوں”۔

بالی ووڈ کی معروف رقاصہ اور اداکارہ راکھی ساونت کا مزید کہنا تھا کہ “عادل کی وجہ سے میں نے اسلام قبول کیا، عادل نے مجھے دھوکا دیا لیکن میں اسلام نہیں چھوڑ سکتی”۔

یہ بھی پڑھیں: راکھی نے شوہر عادل سے متعلق نئے انکشافات کر دئیے