پاکستان شوبز انڈسٹری کی مشہور و معروف اداکارہ عائزہ اعوان اور نازش جہانگیر کی نئی ویڈیو نے سوشل میڈیا پر دھوم مچادی ہے۔

حال ہی میں سوشل میڈیا کی فوٹو اور ویڈیو شیئرنگ ایپ انسٹا گرام پر اداکارہ عائزہ اعوان اور نازش جہانگیر نے ایک دلچسپ ویڈیو شیئر کی جس کو مداحوں کی جانب سے خوب پسند کیا جارہا ہے۔

عائزہ اعوان نے ویڈیو شیئر کرتے ہوئے کیپشن میں لکھا کہ “جب کھانا زندگی ہو”۔

سوشل میڈیا پر وائرل ہونے والی اس ویڈیو میں دیکھا جاسکتا ہے کہ نازش اور عائزہ دونوں گاڑی میں سفر کررہی ہیں اور ساتھ ہی ہنسی مذاق کرتے ہوئے کچھ کھانے میں مصروف ہیں۔

اس سے قبل اداکارہ نے فوٹو اینڈ ویڈیو شئیرنگ ایپ انسٹا گرام پر چند تصاویر پوسٹ کیں تھیں۔

شیئر کی گئی تصاویر میں اداکارہ نے عروسی لباس زیبِ تن کیا ہوا تھا جس میں وہ بہت خوبصورت لگ رہی تھیں۔

واضح رہے کہ پاکستان شوبز انڈسٹری کی خوبصورت اور مشہور اداکارہ عائزہ اعوان انسٹا گرام پر کافی متحرک نظر آتی ہیں اور اپنی نت نئی تصاویر اور ویڈیوز مداحوں کے ساتھ شئیر کرتی رہتی ہیں جسے بہت پسند بھی کیا جاتا ہے۔