بھارت کے معروف اداکار سدھارتھ ملہوترا اور اداکارہ کیارا ایڈوانی کی شادی ملتوی ہو گئی ہے۔

بھارتی میڈیا کا کہنا ہے کہ اداکار سدھارتھ ملہوترا اور اداکارہ کیارا ایڈوانی کی شادی 6 فروری کی بجائے 7 فروری کو ہو گی۔

میڈیا کا کہنا ہے کہ مہمانوں کی آمد کا سلسلہ تاحال جاری ہے جس کی وجہ سے شادی میں تاخیر کی جارہی ہے۔

یہ بھی پڑھیں: کیارا اڈوانی اور سدھارتھ ملہوترا کی نئی تصاویر سوشل میڈیا پر وائرل

اس سے قبل یہ خبر سامنے آئی تھی کہ شادی کی تقریب میں صرف قریبی رشتہ دار اور دوست شرکت کریں گے مگر اب مہمانوں کی فہرست میں ہائی پروفائل مہمان شامل ہیں۔

اس خبر کی تصدیق اُس وقت ہوئی جب گزشتہ شب سخت سیکیورٹی میں مکیش امبانی اور فیملی شادی میں شرکت کرنے جیسلمیر پہنچی۔

یہ بھی پڑھیں: کیارا اڈوانی نے سدھارتھ ملہوترا کے ساتھ کام کرنے کے حوالے سے بتا دیا

واضح رہے کہ سدھارتھ ملہوترا اور کیارا ایڈوانی کی شادی کی تقریب میں کرن جوہر، شاہد کپور، میرا راجپوت، کترینہ کیف، مکیش امبانی اور فیملی، منیش ملہوترا اور انڈسٹری سے تعلق رکھنے والے بہت سی مشہور شخصیات شرکت کریں گی۔