پاکستان کی نامور اداکارہ اشنا شاہ گزشتہ روز شادی کے بندھن میں بندھ گئی۔

حال ہی میں اداکارہ اشنا شاہ نے اپنے انسٹاگرام اکاؤنٹ کی اسٹوری پر اپنی شادی کی تصاویر پوسٹ کی ، جسے مداحوں کی جانب سے خوب تنقید کا نشانہ بنایا گیا۔

اداکارہ اشنا شاہ نے تصویر کے کیپشن میں لکھا ہے کہ میرا شادی کا جوڑا اور جیولری سب پاکستانی ہے اور جو لوگ میرے لباس کا مذاق اُڑا رہے ہیں وہ سن لیں کہ میرے جوڑے کے پیسے انہوں نے نہیں دیئے۔

سوشل میڈیا صارفین کا اشنا شاہ کی شادی کی وائرل ویڈیوز اور تصاویر پر تبصرہ کرتے ہوئے کہنا ہے کہ اداکارہ نے اپنی شادی کے دن عریاں لباس پہن کر پاکستانی رسم و رواج کو مجروح کیا ہے ساتھ ہی ان کے مغربی ڈانس اسٹائل پر بھی انہیں تنقید کا نشانہ بنایا جارہا ہے۔

اداکارہ نے اپنی انسٹاگرام اسٹوری پر لکھا کہ ’وہ لوگ جنہیں میرے لباس سے مسئلہ ہے انہیں نہ میں نے شادی میں مدعو کیا تھا نہ ہی انہوں نے میرے لباس اور جیولری کے پیسے دیئے تھے، میرا لباس میری جیولری سب پاکستانی ہے البتہ میرا دل آدھا آسٹرین ہے‘۔

انہوں نے اپنے اور شوہر کیلئے دعا کرتے ہوئے مزید لکھا کہ ’ اللہ ہمیں خوش رکھے آمین‘۔

اس کے علاوہ اشنا شاہ کی اپنے شوہر حمزہ امین کے ہمراہ ایک ویڈیو بھی وائرل ہو گئی ہے جس میں دیکھا جاسکتا ہے کہ شادی کے موقع پر دونوں پنجابی گانے ’ بلو نی تیرا لال گھاگرا ‘ پر ڈانس کر رہے ہیں۔

یہ بھی پڑھیں: معروف اداکارہ شادی کے بندھن میں بندھ گئیں؛ تصاویر وائرل