پاکستان شوبز انڈسٹری کے مشہور و معروف اداکار زاویار نعمان نے کہا ہے کہ پاکستانی عوام اپنے اداکاروں کو تسلیم نہیں کرتی۔

حال ہی میں اپنے دیے گئے ایک انٹرویو میں اداکار زاویار نعمان اعجاز نے سوشل میڈیا کو گٹر کہتے ہوئے کہا کہ پاکستانی عوام اپنے اداکاروں کو تسلیم نہیں کرتی۔

انہوں نے کہا کہ جب میں کینیڈا سے پاکستان واپس آیا تو میرے ساتھ اور اداکار بھی موجود تھے اور ہم نے ایک تصویر سوشل میڈیا پر لگائی جس پر ایک صارف نے کہا “اللہ کرے آپ لوگوں کا جہاز گر جائے”۔

یہ بھی پڑھیں: لوگ مجھے والد کے مقام کی وجہ سے نہیں بلکہ میرے کام کی وجہ سے پسند کرتے ہیں، زاویار نعمان 

ان کا کہنا تھا کہ ہمارے ملک کا ایک آدمی ہمیں ہی بول رہا ہے آپ سارے لوگ مر جاؤ اور پھر وہی آدمی رو رہا ہوتا ہے کہ ہمارے پاس کوئی اداکار نہیں ہے یا ہم لوگ نیٹ فلکس پر نہیں۔

اداکار زاویار نعمان نے کہا کہ آپ ہمیں تسلیم تو کرنا سیکھیں، بھارت میں اسٹار اس لیے بنے کیونکہ ان کی عوام نے بنائے، ہماری عوام ہمیں اسٹار نہیں بناتی، ہمیں تسلیم نہیں کرتی، جب ہمیں تسلیم کرنا شروع کریں گے تو شاید ہم بھی ان کا مقابلہ کر سکیں گے۔

یہ بھی پڑھیں: اداکار زاویار کا اپنے والد نعمان اعجاز سے متعلق اہم انکشاف