بھارت کے معروف اداکار کارتک آریان کی فلم ’شہزادہ‘ کو ایک ہفتے کی تاخیر سے ریلیز کرنے کی وجہ سامنے آگئی ہے۔

بھارتی میڈیا کی جانب سے ایک خبر سامنے آئی تھی کہ فلم پٹھان کی باکس آفس پر کامیابی کی وجہ سے کارتک آریان کی فلم ’شہزادہ‘ کو ایک ہفتے کی تاخیر سے ریلیز کرنے کا فیصلہ کیا گیا ہے۔

تاہم اب ایک اور خبر سامنے آئی ہے کہ یہ فیصلہ صرف فلم پٹھان کی وجہ سے نہیں کیا گیا بلکہ اس کی اور بھی وجوہات ہیں۔

  میڈیا کا کہنا ہے کہ فلم ’شہزادہ‘ کی پروڈکشن ٹیم نے فلم کے مرکزی کرداروں کارتک آریان اور کریتی سینن کے ساتھ مل کر ایک نیا پروموشنل گانا تیار کرنے کا فیصلہ کیا ہے۔

 یہ فیصلہ اس لیے کیا گیا ہے کیونکہ ابھی تک فلم ’پٹھان‘ کے گانوں ’بے شرم رنگ‘ اور ’جھومے جو پٹھان‘ کو بالی ووڈ کی کسی بھی فلم کا کوئی بھی گانا میوزِک چارٹس پر مات نہیں دے سکا۔

یہ دونوں گانے سوشل میڈیا پر ٹاپ ٹرینڈز میں شامل ہیں اور فلمی شائقین کی جانب سے بہت پسند کیے جارہے ہیں۔

اس لیے فلم ’شہزادہ‘ کی پروڈکشن ٹیم نے ایک نیا پروموشنل گانا شوٹ کرنے کا فیصلہ کیا ہے تاکہ فلمی شائقین کی توجہ حاصل کی جاسکے۔