پاکستان شوبز انڈسٹری کی معروف اداکارہ اریج فاطمہ کے ہاں دوسرے بیٹے کی پیدائش ہوئی ہے۔

حال ہی میں اداکارہ اریج فاطمہ نے سوشل میڈیا کی فوٹو اینڈ ویڈیو شئیرنگ ایپ انسٹا گرام پر ایک تصویر پوسٹ کی جس میں انہوں نے دوسرے بیٹے کی پیدائش کی اطلاع دی۔

شیئر کی گئی تصویر کے کیپشن میں اداکارہ نے اپنے دوسرے بیٹے یحییٰ علی کی پیدائش کا اعلان کرتے ہوئے اللہ کا شکر ادا کیا۔

اریج فاطمہ کی انسٹا گرام پوسٹ پر شوبز انڈسٹری کے نامور فنکاروں نے مبارکباد پیش کی جبکہ مداحوں کی جانب سے بھی نیک خواہشات کے اظہار کا سلسلہ جاری ہے۔

واضح رہے کہ اریج فاطمہ نے 2017 میں کینیڈین ڈاکٹر عزیر علی سے دوسری شادی کی تھی جبکہ ان کا پہلا نکاح 2014 میں بزنس مین فراز خان سے ہوا تھا جو جلد ہی ختم ہو گیا تھا۔

اس سے قبل ایک اور بیٹا عیسیٰ علی ہے جس کی پیدائش 2020 میں ہوئی تھی۔

خیال رہے کہ اداکارہ اریج فاطمہ امریکا میں رہائش پذیر ہیں جبکہ اداکاری کے سلسلے میں وہ پاکستان آتی رہتی ہیں۔