عالمی شہرت یافتہ معروف پاکستانی گلوکار علی ظفر نے کہا ہے کہ بچپن سے چاہتا تھا کہ لوگ میرے کام کی وجہ سے میری عزت کریں۔

حال ہی میں اپنے دیے گئے ایک انٹرویو میں گلوکار علی ظفر نے بتایا کہ میں جس گھر میں میں پیدا ہوا وہ علمی گھرانہ ہے، ہمیشہ گھر میں پروگریسیو گفتگو ہوتی تھی۔

انہوں نے کہا کہ خوبیاں اور خامیاں ہر کسی میں ہوتی ہیں، مجھے بچپن سے پتہ تھا کہ میں کیا بننا چاہتا ہوں۔

یہ بھی پڑھیں: کلام ’ بلغ العلیٰ بکمالہ ‘ علی ظفر نے کس کی خواہش پر پڑھا؟ گلوکار نے بتادیا

علی ظفر کا کہنا تھا کہ میرے والد پوچھتے تھے کہ تمہیں اگر سی ایس ایس نہیں کرنا تو زندگی میں کیا کرو گے؟ میں کہتا تھا کہ میں یہ نہیں چاہتا کہ میری گاڑی اور نمبر پلیٹ دیکھ کر لوگ میری عزت کریں، میں چاہتا تھا کہ لوگ میرے کام کی وجہ سے میری عزت کریں۔

انہوں نے مزید کہا جو نئے بچے ہیں ان کے پاس پلیٹ فارم ہے۔ ہمارے وقت میں اتنا کچھ نہیں تھا، مجھے’چھنو‘ گانے کی وجہ سے شہرت ملی، میں کیبل والوں کو کہتا تھا کہ میرا گانا چلا دو، اُس وقت مشہور ہونا مشکل تھا۔

یہ بھی پڑھیں: گلوکار علی ظفر نے زہر اگلتے رشتوں سے پیچھا چھڑانے کیلئے مفید مشورہ دے دیا