پی ایس ایل کیلئے منفرد انداز میں گانا گا کر مقبولیت حاصل کرنے والے چاہت فتح علی نے اداکارہ نتاشا علی کیلئے گانا گا کر محفل ہی لوٹ لی۔

ایک نجی ٹی وی کے پروگرام میں میزبان احمد علی بٹ کی جانب سے چاہت فتح علی خان سے اداکارہ نتاشا علی کے لیے گانا گنگنانے کی فرمائش کی گئی ۔

چاہت فتح خان نے ٹی وی اداکارہ  کے لیے نصرت فتح خان کا مقبول ترین گانا ’ سانسوں کی مالا ’ اپنے منفرد انداز میں گایا تو سبھی سننے والے اپنی ہنسی پر قابو نہ رکھ سکے اور ماحول بے حد خوشگوار ہوگیا۔

گانے پر پہلا رد عمل احمد علی بٹ کے قہقہے سے آیا جبکہ نتاشا علی حیران و پریشان ہوگئیں۔

شو کے دیگر شرکاء نے بھی گانے پر مضحکہ خیز تبصرے کرتے ہوئے کہاکہ یہ گانا اس طرح ہونا چاہیے کہ سانسوں کی مالا سے ٹرک گزر جائے۔

 یہ بھی پڑھیں: ’یہ جو پیارا پی ایس ایل‘ گانے کے گلوکار چاہت فتح علی خان کون ہیں؟

واضح رہےکہ لندن میں مقیم پاکستانی گلوکار چاہت فتح علی خان پی ایس ایل 8 کےلئے ’یہ جو پیارا پی ایس ایل‘ گانا گانے کے بعد سوشل میڈیا صارفین کی کافی حد تک توجہ حاصل کرنے میں کامیاب ہو گئے۔