پاکستان شوبز انڈسٹری کی مشہور و معروف اداکارہ ایمن خان جلد اپنے مداحوں کو ایک سرپرائز دینے والی ہیں۔

حال ہی میں اداکارہ ایمن خان نے اپنے شوہر منیب بٹ کے ہمراہ ایک نجی ٹی وی شو میں شرکت کی جہاں میزبان نے ان نے سوال پوچھا کہ کیا وہ ٹیلی ویژن پر واپسی کریں گی؟

جس پر ایمن خان نے جواب دیا کہ دراصل میں نے کافی عرصے کام کیا ہے، میں نے بچپن سے کام کرنا شروع کیا تھا، پھر میں نے شادی کر لی۔

یہ بھی پڑھیں: اداکارہ ایمن خان کن تین چیزوں کے بغیر نہیں رہ سکتیں؟

انہوں نے کہا کہ کام میں بریک میری ایک بیٹی تھی اس لیے میں نے اپنے وقفے کو طویل کیا، لیکن اب میں اپنے وقفے سے لطف اندوز ہو رہی ہوں۔

ان کا کہنا تھا کہ شاید میں واپس آؤں گی لیکن ابھی نہیں۔

اداکارہ ایمن خان نے بڑی اسکرین پر کام کرنے کے حوالے سے بات کرتے ہوئے کہا کہ یہ سب کے لیے سرپرائز ہو سکتا ہے، یہاں تک کہ یہ میرے شوہر منیب کے لیے بھی سرپرائز ہو سکتا ہے۔

دورانِ انٹرویو منیب بٹ کا کہنا تھا کہ واپس آنا صرف ایمن کا انتخاب ہوگا اور انہیں اس سے کوئی مسئلہ نہیں ہوگا۔