پاکستان کے معروف اداکار عمران اشرف کا نیا لُک مداحوں کو بھا گیا۔

حال ہی میں اداکار نے اپنے انسٹاگرام اکاؤنٹ پر چند تصاویر پوسٹ کی ہیں جنہیں مداحوں کی جانب سے خوب پسند کیا جارہا ہے۔

یہ بھی پڑھیں؛ عمران اشرف کی بیٹے کو نماز سکھانے کی ویڈیو وائرل

یہ تصاویر ان کے نئے آنے والے پروجیکٹ کی شوٹنگ کے دوران کی ہیں، تصاویر میں عمران اشرف نے بڑھی ہوئی داڑھی رکھی ہوئی ہے، قمیض پر واسکٹ اور سر پر کالے رنگ کا عمامہ باندھا ہوا ہے۔

شیئر کی گئی تصاویر کے کیپشن میں اداکار نے لکھا ہے کہ’ بہت عرصے بعد شوٹنگ کی ، ایسا لگ رہا ہے زندگی کا پہلا شوٹ ہے۔ لیکن یہ بہت اچھا تھا ، جلد ملیں گے ‘۔

یہ بھی پڑھیں؛ عمران اشرف کی بیٹے کے ہمراہ دلچسپ ویڈیو وائرل

اس سے قبل پاکستان کے معروف اداکار عمران اشرف نے نجی ٹی وی چینل کے شو میں شرکت کی جہاں عمران اشرف کا کہنا تھا کہ ہم تباہی کے مرحلے سے گزر رہے ہیں، مگر طلاق کے بعد ہماری زندگی میں کوئی منفی بات نہیں ہے، میں اور کرن مل کر ہمارے بیٹے روحام کی دیکھ بھال کر رہے ہیں۔

اپنے بیٹے روحام کے بارے میں بات کرتے ہوئے عمران اشرف کا کہنا تھا کہ “میری زندگی کا سب سے بڑا مقصد میرے بیٹے کی زندگی ہے، میرا بیٹا مستقبل میں میرے بارے میں کیا سوچے گا وہ بڑا ہوکر کیا سوچے گا کہ میرا باپ ایسا تھا”۔