بالی ووڈ کے معروف اداکار ہریتھک روشن کے ہمراہ ان کے اسٹنٹ ڈبل کی تصویر صارفین کی توجہ کا مرکز بن گئی ہے۔

حال ہی میں بالی ووڈ کے معروف اداکار ہریتھک روشن کی سالگرہ کے موقع پر ان کے اسٹنٹ ڈبل منصور علی خان نے اپنے انسٹاگرام اکاؤنٹ پر ایک تصویر پوسٹ کی تھی۔

یہ بھی پڑھیں؛ اداکار ہریتھک روشن ہر فلم سے پہلے کلائی پر کالا دھاگا کیوں باندھتے ہیں؟

تصویر میں اداکار ہریتھک روشن اور اسٹنٹ ڈبل منصور علی خان کو ایک ساتھ دیکھا گیا، تصویر کے کیپشن میں منصور علی خان نے لکھا تھا کہ ’ ’ ہیپی برتھ ڈے ہریتھک روشن بھائی، آپ صاف دل کے سپر اسٹار ہیں اور نہایت مہربان و نرم خو، خیال رکھنے والے پیارے انسان ہیں، آپ نے ہمیشہ ساتھ کام کرنے والوں کی عزت کی اور ان کی صلاحیتوں کو سراہا ‘۔

یہ بھی پڑھیں؛ ہریتھک روشن کونسی بیماری کا شکار تھے؟ اداکار نے بتادیا

   بعدازاں یہ تصاویر صارفین کی توجہ کا مرکز بن گئی کیونکہ اکثر سوشل میڈیا صارفین کا کہنا ہے کہ منصور علی خان بالی ووڈ کے آنجہانی اداکار سوشانت سنگھ راجپوت سے کافی مشابہت رکھتے ہیں۔