بالی ووڈ کے بادشاہ شاہ رخ خان کی فلم ’پٹھان‘ نے صرف 17 دن میں دنیا بھر میں 900 کروڑ کی کمائی کرلی۔

اس سے قبل فلم ’پٹھان‘ صرف 12 دن میں 811 کروڑ کے ساتھ بھارت کی ہندی زبان میں اب تک کی سب سے زیادہ کمائی کرنے والی فلم بننے میں کامیاب ہوئی۔

گلوبل باکس آفس پر پٹھان کی کمائی 900 کروڑ سے زائد ہوگئی ہے، اس حوالے سے یش راج فلمز نے پریس ریلیز بھی جاری کی۔

یش راج فلمز کے مطابق سدھارتھ آنند کی ہدایتکاری میں بننے والی فلم نے اپنی ریلیز کے تیسرے جمعے کو بھارت بھر میں 5 اعشاریہ 90 کروڑ کا بزنس کیا۔

مزید پڑھیں: فلم ’پٹھان‘ کے مرکزی کرداروں نے کتنا معاوضہ لیا؟

فلم میں شاہ رخ خان کے علاوہ دیپیکا پڈوکون، جان ابراہم، ڈمپل کپاڈیا، آشوتوش رانا سمیت دیگر نے اداکاری کے جوہر دکھائے ہیں۔