کیارا ایڈوانی اور سدھارتھ ملہوترا کی شادی کی تصویر انسٹاگرام پر بھارت میں سب سے زیادہ لائیک لینے والی تصویر بن گئی۔

بالی وڈ کے نئے شادی شدہ جوڑے کی تصویر کو اب تک ساڑھے 15 ملین سے زائد لائیک مل چکے ہیں اور ان میں مزید اضافہ ہورہا ہے۔

اداکارہ عالیہ بھٹ اور رنبیر کپور کو اپنی شادی کی تصویر پر 13.19 ملین لائک ملے تھے اور وہ اب دوسرے نمبر پر چلی گئی ہے۔

سدھارتھ مہلوترا اور کیارا ایڈوانی 7 فروری کو شادی کے بندھن میں بندھے ہیں اور دونوں فنکاروں کے مداحوں کو ان کی تازہ تصاویر کا شدت سے انتظار تھا۔

دونوں نے اپنی شادی کی تقاریب کو انتہائی خفیہ رکھا ہوا تھا اور کسی کو بھی ان کی تصاویر کھینچنے کی اجازت نہیں تھی۔

انہوں نے اپنی شادی کی تصاویر ایک ساتھ اسٹاگرام پر شیئر کی اور اس کے ساتھ ایک دلچسپ کمنٹ لکھا کہ اب ہماری مستقل بکنگ ہوگئی ہے۔

کیارا ایڈوانی کی پوسٹ کو اب تک ساڑھے پندرہ ملین سے زیادہ لائیک مل چکے ہیں اور وہ بھارت میں سب سے زیادہ لائیک کی جانے والی انسٹاپوسٹ بن چکی ہے۔