پاکستان کے سپر اسٹار علی ظفر نے بھارتی شاعر جاوید اختر کے لئے ان کے لکھے گانے گا کر سب کے دل جیت لئے۔

لاہور میں ہونے والے فیض میلہ میں بھارتی شاعر جاوید اختر نے خصوصی شرکت کی ۔ سیشن کے بعد ان کے اعزاز میں ایک تقریب رکھی گئی جس میں پاکستانی فنکاروں کی بڑی تعداد نے شرکت کی ۔

اس موقع پر جاوید اختر کے سامنے علی ظفر نے ان کے لکھے ہوئے گانے’ایک لڑکی کو دیکھا تو ایسا لگا ‘  پیش کیا۔

 جاوید اختر نے یہ گانا  بالی ووڈ فلم ’ایک لو اسٹوری‘ کے لئے لکھا تھا ، جوکہ انیل کپور اور منیشا کوایرلہ پر فلمایا گیا۔ جبکہ یہ فلم 1994 میں ریلیز کی گئی۔

 اس تقریب میں علی ظفر ان کی اہلیہ عائشہ فاضلی ،ریشم ، نتاشہ بیگ اور ثروت گیلانی سمیت دیگر اداکاروں نے شرکت کی ۔

یہ بھی پڑھیں: 19 برس کی عمر میں علی ظفر نے عائشہ کو منانے کے لیے کونسا گانا لکھا؟