پولیس نے بالی ووڈ اداکارہ راکھی ساونت کے شوہر عادل خان درانی کو گرفتار کر لیا ہے۔

بھارتی میڈیا کا کہنا ہے کہ ممبئی پولیس نے معروف اداکارہ راکھی ساونت کی شکایت پر ان کے شوہر عادل خان درانی کو دھوکا دہی کے الزام میں حراست میں لے لیا ہے۔

یہ بھی پڑھیں؛ مجھے نماز پڑھنے سے کوئی نہیں روک سکتا؛ راکھی ساونت

پولیس نے عادل خان کو اس وقت گرفتار کیا جب وہ راکھی سے ملنے اس کے گھر آئے ہوئے تھے۔

یاد رہے کہ بالی ووڈ کی معروف اداکارہ راکھی ساونت نے اپنے شوہر عادل خان درانی کے خلاف بےوفائی کے الزام میں پولیس میں شکایت درج کروائی تھی۔

 دوسری جانب راکھی کے شوہر کا بیان سامنے آیا تھا جس میں انکا کہنا تھا کہ وہ ہمیشہ اس کے ساتھ رہا ہے اور راکھی کے الزامات بےبنیاد ہیں۔

یہ بھی پڑھیں؛ راکھی ساونت کی کلمہ پڑھتے ہوئے نکاح کی ویڈیو وائرل

بعدازاں بھارتی اداکارہ راکھی ساونت کا بیان سامنے آیا جس میں انکا کہنا تھا کہ عادل انہیں چھوڑ کر چلا گیا ہے دونوں اب ساتھ نہیں ہیں اور راہیں جدا کر چکے ہیں۔