مرحوم بھارتی اداکار سشانت سنگھ راجپوت کی سابق گرل فرینڈ اداکارہ انکیتا لوکھنڈے نے ان سے متعلق اہم انکشاف کیا ہے۔

حال ہی میں مرحوم بالی ووڈ اداکار سشانت سنگھ راجپوت کی سابق گرل فرینڈ اداکارہ انکیتا لوکھنڈے نے اپنے ایک انٹرویو میں کہا ہے کہ ’ میں اپنی زندگی میں کبھی پیار کو مسترد نہیں کر پائی ہوں، اس کے بعد اس پیار میں میرے ساتھ جو بھی ہوا سو ہوا ‘۔

یہ بھی پڑھیں: سشانت سنگھ کا گھر لوگوں کیلئے خوف کی علامت بن گیا

انہوں نے کہا کہ ’ میرا کبھی پیار پر سے یقین نہیں اٹھا، مجھے یقین تھا کہ سشانت سنگھ کے بعد بھی مجھے محبت ملے گی، مجھے لگتا تھا کہ میرے لیے کوئی ہے جو مجھے ملے گا اور میرے خواب پورے کرے گا ‘۔

 دوسری جانب انٹرویو کے دوران اداکارہ کے شوہر وکی کا کہنا تھا کہ ’ سشانت سنگھ کی خودکشی کے بعد انکیتا مشکل وقت سے گزر رہی تھی اور اس وقت مجھے ادراک ہوا کہ مجھے کیا کرنا چاہیے ‘۔

انہوں نے کہا کہ ’ آپ نہیں جانتے کہ کل کیا ہو گا، کوئی بھی نہیں جانتا لیکن ہر کوئی کسی نہ کسی طرح کی صورتحال سے دوچار ضرور ہوتا ہے جو اس کے لیے نئی ہوتی ہے ‘۔

یہ بھی پڑھیں: سوشانت سنگھ کی برسی پر ریا چکروتی کا محبت بھرا پیغام توجہ کا مرکز بن گیا

  اداکارہ کے شوہر وکی نے کہا کہ ’ انکیتا کے ساتھ جو بھی ہو رہا ہے، وہ صرف اس کے ساتھ نہیں ہو رہا، میں ہر صورتحال میں اس کے ساتھ کھڑا ہوتا ہوں۔ ہمارے ساتھ کچھ بھی ہو، ہم دونوں اکٹھے اسے جھیلیں گے ‘۔