پاکستان تحریک انصاف ( پی ٹی آئی ) کے چیئرمین عمران خان کی سابقہ اہلیہ جمائما گولڈ اسمتھ کی لکھی گئی فلم میں پاکستان شوبز انڈسٹری کی صفِ اول کی اداکارہ سجل علی کو کاسٹ کرنے کے حوالے سے فلم کے ڈائریکٹر کا بیان سامنے آ گیا ہے۔

حال ہی میں فلم کے ڈائریکٹر شیکر کپور نے اپنے دیے گئے ایک انٹرویو میں بتایا کہ “سجل علی کو فلم میں کاسٹ کرنے کی سفارش کی گئی تھی”۔

انہوں نے بتایا کہ “جب سجل علی آڈیشن دینے کے لئے آئیں تو اُن کی آنکھوں میں بہت معصومیت اور گہرائی تھی”۔

ان کا کہنا تھا کہ “ظاہر ہے وہ بہت خوبصورت ہیں، جب بھی وہ اسکرین پر آتی ہیں تو ہم اُسے سنتے اور دیکھتے ہیں”۔

ڈائریکٹر نے کہا کہ “سجل کی کارکردگی میں طاقت ہے”۔

شیکر کپور نے بتایا کہ “میں نے سجل سے کہا کہ ہم آپ سے ایک چیز چاہتے ہیں کہ آپ اپنے آپ کو کمزور نہ بنائیں، اپنے آپ کو مضبوط دکھائیں، آپ نرم مزاج اور شرمیلی ہیں، اگر آپ ہمیں دکھائیں کہ آپ میں طاقت ہے تو وہ فلم کو آسانی سے مل جائے گی”۔

واضح رہے کہ جمائما گولڈ اسمتھ کی تحریر کردہ فلم ایک رومانوی کامیڈی فلم ہے جو اس وقت دنیا کے مختلف حصوں میں متوقع ریلیز کی وجہ سے دھوم مچا رہی ہے۔

فلم کی پروڈیوسر اور تحریر جمائما گولڈ اسمتھ نے کی ہے اور اسے بھارتی ہدایت کار شیکر کپور نے ڈائریکٹ کیا ہے۔