بھارت پہنچنے کے بعد بھارتی فلم رائٹر جاوید اختر نے ایک بار پھر پاکستان مخالف بیان دے دیا۔

چند روز قبل لاہور میں ہونے والے فیض فیسٹول کے دوران بھارتی فلم رائٹر جاوید اختر نے پاکستانیوں سے متعلق متنازع گفتگو کی تھی جس کے بعد اُن کو سوشل میڈیا پر کڑی تنقید کا سامنا کرنا پڑا۔

اب جاوید اختر نے بھارت میں ایک تقریب کے دوران پاکستانیوں سے متعلق متنازع گفتگو کے حوالے سے ردِعمل بھی دیا ہے۔

یہ بھی پڑھیں: پاکستان مخالف بیان دینے پر شوبز شخصیات جاوید اختر پر پھٹ پڑیں

ان کا کہنا تھا کہ بیان دینے کے بعد مجھے لگا ایسے ایونٹس میں نہیں جانا چاہیے لیکن یہاں (بھارت) آیا تو لگا پتہ نہیں تیسری عالمی جنگ جیت کر آیا ہوں۔

واضح رہے کہ شوبز شخصیات نے بھی جاوید اختر کے بیان سے متعلق ناراضگی کا اظہار کیا اور انہیں تنقید کا نشانہ بنایا تھا۔